Ba sojojin mu suka kai maka Hari ba, Boko Haram ne

 Rundunar Sojin Najeriya ta karyata korafin gwamnan Barno, Babagana Zulum ikirarin da yayi cewa sojoji ne suka bude masa wuta ba Boko Haram ba a garin Baga dake karamar hukumar Kukawa.


Kodinatan yada labarai na rundunar Sojin, John Enenche be ya ƙaryata wannan zargi na gwamna Zulum yana mai cewa binciken da rundunar tayi ya nuna cewa Boko Haram ne suka bude wa tawagar gwamnan wuta a Baga ba sojoji.


Abin da ya faru shine bayan wannan zargi da gwamna Zulum yayi akan dakarun mu, sai muka kaddamar da bincike mai zurfi akai. Da farko dai yadda aka yi wannan harbi ba yadda sojojin mu ke harbi bane. Akwai rashi kwarewa a ciki.


Akwai yadda sojojin mu ke harbi yadda aka koya musu a wajen daga. Sannan kuma mu da muka san yadda Boko Haram ke kai hare-haren su mun tabbatar ba sojojin mu bane, haka kuma bincike ya nuna lallai ba su bane Boko Haram ne.


Idan ba a manta ba gwamna Zulum ya tsallake rijiya da baya bayan artabu da masu tsaran sa suka yi da waɗanda ake zargin Boko Haram a hanyar Baga zuwa zuwa Maiduguri.


Sai dai kuma bayan fatattakar su da jami’ai suka yi, daga baya gwamna Zulum ya shaida wa wakilin Talbijin din Channels cewa ba Boko Haram bane suka far masa a Baga.


Da gangar sojoji suka bude min wuta saboda wata manufa ta su da ban sani ba. Amma tabbas ba Boko Haram bane.


Ya ce sojoji na yi masa bita da kulle a aikin ganin zaman lafiya da ya dawo garin Maiduguri da yake yi babu kakkautawa.

Yadda ƴan Boko Haram suka yi yunƙurin halaka gwamnan Borno

https://www.arewagist.com.ng/2020/07/boko-haram-sun-kai-was-umara-zulum-hari.html?m=1

Leave a Reply

Your email address will not be published.